لو عايش في إيطاليا او بتفكر تعييش فيها لازم تعرف ات كتير من الناس في إيطاليا بتتلخبط بين 730 و ISEE و dichiarazione di reddito وبتفتكرهم حاجة واحدة لكن الحقيقة إن كل واحد ليه دور مختلف ومهم جدا في حياتك هنا
dichiarazione di reddito معناها الإقرار الضريبي يعني الورقة اللي بتقدمها للدولة وبتقول فيها دخلك قد ايه ودفعت ضرايب قد ايه ودي الأساس اللي بيتحسب عليه كل حاجة ضريبية
الاقرار الضريبي ليه اكتر من نوع اشهرهم موديلو 730 وموديلو Redditi
موديلو 730 بيتعمل للموظفين والمتقاعدين والناس اللي عندها دخل ثابت زي الإيجار وده اسهل نوع وميزته ان لو ليك فلوس بترجعلك على المرتب ولو عليك ضريبة بتتخصم تلقائي وبيتعمل مرة في السنة عادة من شهر مايو لحد سبتمبر وبيكون عن دخل السنة اللي فاتت
موديلو Redditi ده نوع تاني من dichiarazione di reddito وده خاص باصحاب Partita IVA واللي عندهم اكتر من مصدر دخل او اللي ما ينفعش يعملوا 730 وهنا مفيش خصم تلقائي من المرتب الشخص هو اللي بيدفع الضريبة بنفسه والمواعيد بتاعته بتكون مختلفة وغالبا لحد شهر نوفمبر
اما ISEE فده موضوع مختلف تماما ISEE مش اقرار ضريبي ومش بديل لل 730 ولا لل dichiarazione di reddito هو مؤشر اجتماعي الدولة بتستخدمه علشان تعرف وضعك الاقتصادي الحقيقي
ISEE بيتحسب على اساس الدخل اللي في الإقرار الضريبي وكمان الحسابات البنكية والممتلكات وعدد افراد الاسرة علشان يحدد اذا كنت تستحق دعم او لا
ISEE بيستخدم في طلبات زي assegno unico ودعم الكهرباء والغاز وتخفيضات الحضانة والجامعة والسكن الشعبي وغيرها من المساعدات الاجتماعية وبيكون صالح لمدة سنة واحدة من يناير لحد ديسمبر ويتعمل في اي وقت خلال السنة
الخلاصة ان dichiarazione di reddito هي الاساس وال 730 او modello Redditi هما اشكال مختلفة منها حسب وضعك ISEE بييجي بعد كده علشان يحدد حقك في الدعم
يعني موظف عادي يعمل 730 وبعدها يعمل ISEE علشان ياخد البونصات والدعم ولو ما عملتش الاقرار الضريبي ممكن تخسر فلوس ليك او دعم انت محتاجه
ده الموضوع ببساطة ومن غير تعقيد #عربيايطاليا #3rabitalia #روما #ايطاليا #ميلانو #عربيايطاليا3rabitalia
𝟑𝐫𝐚𝐛𝐢𝐭𝐚𝐥𝐢𝐚 عربي ايطاليا 
أضف تعليق