خطوات طلب الإعفاء من التجنيد لمزدوجي الجنسية
اول خطوة طبعا هي الذهاب الي إدارة الهجرة والجنسية ويكون معاه الباسبور الاجنبي وايضا الباسبور الاجنبي للاب ان وجد وطبعا اوراقنا المصرية واحيانا بيطلبوا شهادة ميلاد الجد وفي حالتنا اكتفوا بتاريخ ميلاده وكل ده بيتقدم لعمل اذن تجنس والحصول علي شهادة مزدوج الجنسية من ادارة الهجرة والجنسية في العباسية وهنا بينتهي دورك وتنتظر (حوالي شهرين ثلاثه واحيانا اكثر) الي ان يصلك منهم خطاب مسجل يفيد بان الإذن جاهز وبهذا الخطاب بتروح تستلم منهم (نفس مكتب الهجرة) شهادة إزدواج جنسية وتذهب بها مباشرة الي تجنيد حلمية الزيتون لتسليمها هناك وبعد كده بيتم ارسال شهادة المعافاة علي منطقة التجنيد التابع لها الشخص عبارة عن شهادة معافاه مؤقت لحين زوال السبب وبيقولوا لك في الزيتون امتي تروح تستلمها من منطقة التجنيد في محافظتك وغالبا الخطوة دي بتتم بسرعة حاجة مهمة عند السفر كل من هو في سن التجنيد لازم يرجع للتجنيد بالمعافاه اللي معاه للحصول علي تصريح سفر والا هيرجع من المطار (اعتقد ان اذن السفر ده مطلوب فقط في حالة البقاء في مصر اكثر من ٦ شهور لكني غير متأكد من المعلومة دي واحتمال يكون مطلوب للكل ياريت حد يأكد لنا المعلومة دي) *في حالة دخول مصر بفيزا يعامل الشاب علي انه اجنبي و يكون ملزم بمدة الفيزا . تجربة شخصيه للاستاذ عزيز حسين
𝟑𝐫𝐚𝐛𝐢𝐭𝐚𝐥𝐢𝐚 عربي ايطاليا 
أضف تعليق