‎
‎ازاي تقرا و تفهم البوستا باجا⭕️
الجزء الثالث

𝐂𝐨𝐦𝐞 𝐥𝐞𝐠𝐠𝐞𝐫𝐞 𝐥𝐚 𝐛𝐮𝐬𝐭𝐚 𝐩𝐚𝐠𝐚 !!

𝐋𝐞 𝐅𝐞𝐫𝐢𝐞 : الاجازات

الحق في الإجازات حسب المادة 36 من الدستور: “للعامل الحق في الراحة الأسبوعية والإجازة السنوية مدفوعة الأجر ، ولا يجوز له التنازل عنها”. لذلك يجب الانتباه: من الضروري أن يأخذ العامل اجازات

‎ كم عدد ايام الاجازات كل عام؟

القانون المدني ماده. 10 من المرسوم التشريعي n. 66/2003
.
‎ ينص المرسوم التشريعي رقم 66 لعام 2003 على الحد الأدنى من الإجازات: “للعامل الحق في فترة إجازة سنوية مدفوعة الأجر لا تقل عن أربعة أسابيع.

ناخد بالنا ان في عقود بيكون فيها عدد الايام اكتر حسب نوع العقد و نوع النشاط

امتي تقدر تاخد اجازاتك

‎أ) لمدة أسبوعين على الأقل في نفس السنه ، أي بحلول 31 ديسمبر ؛
‎ ب) للأسبوعين المتبقيين ، أو الفترة المتبقية المختلفة ، في خلال ١٨ شهر بعد نهاية سنة الاستحقاق.
يعني ايه ؟!
صاحب العمل ملزم يوافق لك علي اسبوعين في نفس السنه و خلال ١٨ شهر بعد السنه لازم تكون اخدت باقي الايام ..
في نقطة مهمه هنا طبعا تحديد وقت الاجازات ده لازم يكون بالاتفاق مع صاحب العمل و حسب ظروف العمل صحيح ده حق لك بس في النفس الوقت ما يكنش فيه ضرر علي الشغل ..

ازاي تعرف عددٍ ايام الاجازات في البوسطا باجا ؟

زي في الصوره اللي تحت كده في الجزء الاخير

هتلاقي مكتوب FERIE
قدامها مكتوب
‏MATURATO GODUTO RESIDUO RESIDUO AP

MATURTO = عدد ايام الاجازات اللي حضرتك جمعتها خلال السنه مثلا
يعني لو حضرتك بدات شغل في يناير مثلا في يوليو المفروض إنك عملت نصف اجمالي الاجازات مثلاً ١٤ يوم

GODUTO = ايام الاجازات اللي حضرتك فعلاً اخدتها

RESIDUO = ده باقي الاجازات اللي ناتج طرح النقطتين اللي فاتو .

RESIDUO AP = دي الاجازات المستحقه من العام السابق لو حضرتك ما كنتش خلصتها ..

ايام الاجازات اللي لم تأخذ مش ممكن تاخدها فلوس الا في حالة انك تسيب الشغل غير كده ممنوع تدفع تمن الاجازات ..

علشان تقدر تعرف عدد الايام السنويه طبعا لما تشوف اول بوستا باجا لك تشوف تحت كلمة MATURATO هتعرف انت كل شهر بتاخد كام يوم ..
في بوستاباجا بيتكتب فيها عدد ساعات مش ايام و طبعاً تقسم عدد الساعات علي ساعات شغلك اليوميه تعرف كام يوم ..